pahle nazr lab-o-ruKHsar karegi duniya

pahle nazr lab-o-ruḳhsār karegī duniyā

phir tujhe bar-sar-e-paikār karegī duniyā

gesū-e-zīst ko suljhāne meñ guzreñge din

mujh se is darja agar pyaar karegī duniyā

chhoḌ degī tujhe Takrāne kī ḳhātir aur phir

dar-o-dīvār se inkār karegī duniyā

mujh ko munsif ke bhī mansab pe karegī faa.ez

jhuuT se laḌne ko tayyār karegī duniyā

mujh ko masrūf bhī rakkhegā koī kār-e-abas

vaqt-e-masraf pe ye bekār karegī duniyā

gesū-e-zulmat-e-shab mujh ko chhupā le na kahīñ

is pahle ki giraftār giregī duniyā

maiñ talabgār huuñ jiine kā 'nizāmī' lekin

jaane kab ḳhvāb se bedār karegī duniyā

pahle nazr lab-o-ruKHsar karegi duniya

phir tujhe bar-sar-e-paikar karegi duniya

gesu-e-zist ko suljhane mein guzrenge din

mujh se is darja agar pyar karegi duniya

chhoD degi tujhe Takrane ki KHatir aur phir

dar-o-diwar se inkar karegi duniya

mujh ko munsif ke bhi mansab pe karegi faez

jhuT se laDne ko tayyar karegi duniya

mujh ko masruf bhi rakkhega koi kar-e-abas

waqt-e-masraf pe ye bekar karegi duniya

gesu-e-zulmat-e-shab mujh ko chhupa le na kahin

is pahle ki giraftar giregi duniya

main talabgar hun jine ka 'nizami' lekin

jaane kab KHwab se bedar karegi duniya