pahle qabristan aata hai phir apni basti aati hai
pahle qabristān aatā hai phir apnī bastī aatī hai
jaane kitnī qabroñ se ho kar sham-e-hastī aatī hai
chaḌh kar saarī sharābeñ jab auqāt pe apnī aa jaatī haiñ
chaḌhtā hai dariyā-e-ḳhūñ aur miTTī ko mastī aatī hai
raushnī us kī Daak se aane meñ to zamāne lag jaate haiñ
is daurān ik nuur kī chiTThī kabhī kabhī dastī aatī hai
bāzār-e-hastī jaate haiñ kyā kyā ḳhvāhish le kar lekin
maut ḳharīd ke le aate haiñ kyuuñ ki zarā sastī aatī hai
kachchī miTTī ke 'farhat-ehsās' zarā paanī meñ sambhal kar
dariyā meñ tum ḳhuub nahāte ho jab bhī mastī aatī hai
pahle qabristan aata hai phir apni basti aati hai
jaane kitni qabron se ho kar sham-e-hasti aati hai
chaDh kar sari sharaben jab auqat pe apni aa jati hain
chaDhta hai dariya-e-KHun aur miTTi ko masti aati hai
raushni us ki Dak se aane mein to zamane lag jate hain
is dauran ek nur ki chiTThi kabhi kabhi dasti aati hai
bazar-e-hasti jate hain kya kya KHwahish le kar lekin
maut KHarid ke le aate hain kyun ki zara sasti aati hai
kachchi miTTi ke 'farhat-ehsas' zara pani mein sambhal kar
dariya mein tum KHub nahate ho jab bhi masti aati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
