aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pahunch nahin to mohabbat ka hausla kya hai

Ijtiba Rizvi

pahunch nahin to mohabbat ka hausla kya hai

Ijtiba Rizvi

MORE BYIjtiba Rizvi

    pahuñch nahīñ to mohabbat hausla kyā hai

    ḳhudā ke pūjne vaale batā ḳhudā kyā hai

    talab zillat-o-bechārgī ma.āz-allāh

    mirī ḳhudī tashannuj hai ye duā kyā hai

    ham uTh khaḌe hue duniyā se jhaaḌ kar dāman

    ki in bujhe hue zarrāt meñ dharā kyā hai

    ravā hai kyā tirī duniyā meñ nāravā kyā hai

    mujhe batā ki ye hangāma ai ḳhudā kyā hai

    ye ittihād-e-tabī.at ye iḳhtilāf-e-mizāj

    ye turfa-kārī-e-raftār-e-irtiqā kyā hai

    ḳhudā-faroshī-e-zuhhād-e-sajda-kosh hai kyā

    ḳhudā-farāmushī-e-rind-e-kaj-adā kyā hai

    ḳharāsh-e-ārzū-e-qalb-e-bādshah hai kyā

    sukūn-e-ḳhātir-e-āsūda-e-gadā kyā hai

    hayāt jis ko kaheñ ik junūn-e-garm-ravī

    ye kyoñ hai is ġharaz is mudda.ā kyā hai

    kahāñ hai avval-e-avval kahāñ aḳhīr-e-aḳhīr

    numūd-e-be-sar-o-pā ye silsila kyā hai

    dimāġh meñ ye tajassus kahāñ se aaya hai

    ye kyoñ hai kyoñ koī batlā.e aur ye kyā kyā hai

    pahunch nahin to mohabbat ka hausla kya hai

    KHuda ke pujne wale bata KHuda kya hai

    talab ki zillat-o-bechaargi maaz-allah

    meri KHudi ka tashannuj hai ye dua kya hai

    hum uTh khaDe hue duniya se jhaD kar daman

    ki in bujhe hue zarraat mein dhara kya hai

    rawa hai kya teri duniya mein narawa kya hai

    mujhe bata ki ye hangama ai KHuda kya hai

    ye ittihad-e-tabiat ye iKHtilaf-e-mizaj

    ye turfa-kari-e-raftar-e-irtiqa kya hai

    KHuda-faroshi-e-zuhhad-e-sajda-kosh hai kya

    KHuda-faramushi-e-rind-e-kaj-ada kya hai

    KHarash-e-arzu-e-qalb-e-baadshah hai kya

    sukun-e-KHatir-e-asuda-e-gada kya hai

    hayat jis ko kahen ek junun-e-garm-rawi

    ye kyon hai is ki gharaz is ka muddaa kya hai

    kahan hai awwal-e-awwal kahan aKHir-e-aKHir

    numud-e-be-sar-o-pa ka ye silsila kya hai

    dimagh mein ye tajassus kahan se aaya hai

    ye kyon hai kyon koi batlae aur ye kya kya hai

    Source:

    Shola-e-Nida (Pg. 185)

    • Author: Ijtiba Rizvi
      • Publisher: Husain Ahmad Madani
      • Year of Publication: 1954
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now