pareshan bhi karegi gul khila ke

pareshāñ bhī karegī gul khilā ke

tamāshe dekhte rahnā havā ke

yahīñ jannat yahīñ goyā jahannam

tū hī ab soch ai bande ḳhudā ke

bulāte vo agar to kyā na jaate

girafta yuuñ bhī kab the ham anā ke

guloñ par kāñpte shabnam ke qatre

larazte harf hoñToñ par duā ke

havas kī aag ne jhulsā diyā hai

hameñ chalnā thā kuchh dāman bachā ke

hai kis ke lams kī ḳhushbū guloñ meñ

dhanak meñ rañg haiñ kis kī adā ke

Thaharte haiñ zarā palkoñ pe aañsū

sitāre TūTte haiñ jhilmilā ke

koī parde ke pīchhe boltā thā

magar ham ḳhush hue the lab hilā ke

hamārī jaan par ban aa.ī lekin

kahāñ hai mutma.in vo aazmā ke

kabhī khul kar miyāñ-'fārūq' hañs do

ye kyā rah jaate ho tum muskurā ke

pareshan bhi karegi gul khila ke

tamashe dekhte rahna hawa ke

yahin jannat yahin goya jahannam

tu hi ab soch ai bande KHuda ke

bulate wo agar to kya na jate

girafta yun bhi kab the hum ana ke

gulon par kanpte shabnam ke qatre

larazte harf honTon par dua ke

hawas ki aag ne jhulsa diya hai

hamein chalna tha kuchh daman bacha ke

hai kis ke lams ki KHushbu gulon mein

dhanak mein rang hain kis ki ada ke

Thaharte hain zara palkon pe aansu

sitare TuTte hain jhilmila ke

koi parde ke pichhe bolta tha

magar hum KHush hue the lab hila ke

hamari jaan par ban aai lekin

kahan hai mutmain wo aazma ke

kabhi khul kar miyan-'faruq' hans do

ye kya rah jate ho tum muskura ke