aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

partaw-e-ruKH ka tere dil mein guzar rahta hai

Asad Ali Khan Qalaq

partaw-e-ruKH ka tere dil mein guzar rahta hai

Asad Ali Khan Qalaq

MORE BYAsad Ali Khan Qalaq

    partav-e-ruḳh tire dil meñ guzar rahtā hai

    saath ā.īne ke ā.īne ghar rahtā hai

    āj-kal josh pe ye dīda-e-tar rahtā hai

    mardum-e-shahr ko tūfān Dar rahtā hai

    qatl-e-ushshāq unheñ madd-e-nazar rahtā hai

    nīmcha āTh-pahr zeb-e-kamar rahtā hai

    soz-e-ulfat hai parvāna dil-e-bazm apnā

    ye vo pamba hai nihāñ jis meñ sharar rahtā hai

    bazm-e-ulfat meñ qadam rakhte haiñ jo log apnā

    sham.a tarah kaf-e-dast pe sar rahtā hai

    chashm-e-maigūñ se hai saaqī mohabbat jis ko

    nashsha-e-mai meñ vo chor āTh-pahr rahtā hai

    qaul-o-iqrār pe kyuuñ chhoḌ diyā dahan-e-yār

    is nadāmat se garebān meñ sar rahtā hai

    ab to dam-bhar unheñ fursat nahīñ ārā.ish se

    aa.ina āTh-pahr pesh-e-nazar rahtā hai

    kushta-e-teġh-e-nigah tālib-e-dīdār raheñ

    chashm-e-jānāñ ko ye manzūr-e-nazar rahtā hai

    ye bhī haiñ us falak-e-husn ke juuyā mirī tarh

    chāñd sūraj ko jo din-rāt safar rahtā hai

    jab bigaḌte haiñ to manñe vo lete nahīñ naam

    pahroñ apnā qadam-e-yār pe sar rahtā hai

    belā bāTeñge savārī meñ kisī gul ke ye kyā

    ġhunchoñ muTThiyoñ meñ kis liye zar rahtā hai

    maiñ vo dīvāna huuñ jab fasl-e-bahār aatī hai

    mere vīrāne meñ pariyoñ guzar rahtā hai

    vasl shab bhī nahīñ chain se kaTne paatī

    har-dam āzurdagi-e-yār Dar rahtā hai

    dekhne vaale samajhte haiñ abas tār-e-nazar

    merī āñkhoñ meñ tirā mū-e-kamar rahtā hai

    ġhair ke bas meñ 'qalaq' kyuuñ na ho vo sīm-badan

    qābū-e-yār meñ ganjīna-e-zar rahtā hai

    partaw-e-ruKH ka tere dil mein guzar rahta hai

    sath aaine ke aaine ka ghar rahta hai

    aaj-kal josh pe ye dida-e-tar rahta hai

    mardum-e-shahr ko tufan ka Dar rahta hai

    qatl-e-ushshaq unhen madd-e-nazar rahta hai

    nimcha aaTh-pahr zeb-e-kamar rahta hai

    soz-e-ulfat ka hai parwana dil-e-bazm apna

    ye wo pamba hai nihan jis mein sharar rahta hai

    bazm-e-ulfat mein qadam rakhte hain jo log apna

    shama ki tarah kaf-e-dast pe sar rahta hai

    chashm-e-maigun se hai saqi ki mohabbat jis ko

    nashsha-e-mai mein wo chor aaTh-pahr rahta hai

    qaul-o-iqrar pe kyun chhoD diya dahan-e-yar

    is nadamat se gareban mein sar rahta hai

    ab to dam-bhar unhen fursat nahin aaraish se

    aaina aaTh-pahr pesh-e-nazar rahta hai

    kushta-e-tegh-e-nigah talib-e-didar rahen

    chashm-e-jaanan ko ye manzur-e-nazar rahta hai

    ye bhi hain us falak-e-husn ke juya meri tarh

    chand suraj ko jo din-raat safar rahta hai

    jab bigaDte hain to manne ka wo lete nahin nam

    pahron apna qadam-e-yar pe sar rahta hai

    bela baTenge sawari mein kisi gul ke ye kya

    ghunchon ki muTThiyon mein kis liye zar rahta hai

    main wo diwana hun jab fasl-e-bahaar aati hai

    mere virane mein pariyon ka guzar rahta hai

    wasl ki shab bhi nahin chain se kaTne pati

    har-dam aazurdagi-e-yar ka Dar rahta hai

    dekhne wale samajhte hain abas tar-e-nazar

    meri aankhon mein tera mu-e-kamar rahta hai

    ghair ke bas mein 'qalaq' kyun na ho wo sim-badan

    qabu-e-yar mein ganjina-e-zar rahta hai

    Source:

    Mazhar-e-Ishq (Pg. e-158 p-156)

    • Author: Asad Ali Khan Qalaq
      • Edition: 1911
      • Publisher: Munshi Naval Kishor, Kanpur
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now