aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

phir aapne dekha hai mohabbat ki nazar se

Mazhar Imam

phir aapne dekha hai mohabbat ki nazar se

Mazhar Imam

MORE BYMazhar Imam

    phir aap ne dekhā hai mohabbat nazar se

    guzre na kahīñ gardish-e-daurāñ bhī idhar se

    pūchheñ to zarā pech-o-ḳham-e-rāh bāteñ

    kuchh log abhī lauT ke aa.e haiñ safar se

    shāyad kahīñ sūraj kiran shaam ko phūTe

    ham sham.a jalā.e hue baiThe haiñ sahar se

    logo mirī āshufta-sarī par na karo tanz

    ilzām utāro koī us zulf ke sar se

    dekhā na unheñ dīda-e-hairat ne dobāra

    jalvoñ ko shikāyat hai mirī tāb-e-nazar se

    ḳhushbū-e-gul-o-lāla chhupā lete haiñ patte

    ab qadr-e-hunar hai to faqat arz-e-hunar se

    taare to chamak apnī dikhāte haiñ sahar tak

    dil Dūbne lagtā hai magar pichhle pahar se

    ġhairoñ nigāheñ tire jalvoñ se haiñ sairāb

    ai kaash ye bādal mirī āñkhoñ pe bhī barse

    zulmat ke saa.e meñ sukūñ DhūñDiye 'maz.har'

    ḳhairāt bahut maañg chuke nūr-e-sahar se

    phir aap ne dekha hai mohabbat ki nazar se

    guzre na kahin gardish-e-dauran bhi idhar se

    puchhen to zara pech-o-KHam-e-rah ki baaten

    kuchh log abhi lauT ke aae hain safar se

    shayad kahin suraj ki kiran sham ko phuTe

    hum shama jalae hue baiThe hain sahar se

    logo meri aashufta-sari par na karo tanz

    ilzam utaro koi us zulf ke sar se

    dekha na unhen dida-e-hairat ne dobara

    jalwon ko shikayat hai meri tab-e-nazar se

    KHushbu-e-gul-o-lala chhupa lete hain patte

    ab qadr-e-hunar hai to faqat arz-e-hunar se

    tare to chamak apni dikhate hain sahar tak

    dil Dubne lagta hai magar pichhle pahar se

    ghairon ki nigahen tere jalwon se hain sairab

    ai kash ye baadal meri aankhon pe bhi barse

    zulmat hi ke sae mein sukun DhunDiye 'mazhar'

    KHairaat bahut mang chuke nur-e-sahar se

    Source:

    paalkii kahkashaa.n (Pg. 213)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now