پھر چھڑی رات بات پھولوں کی

مخدومؔ محی الدین

پھر چھڑی رات بات پھولوں کی

مخدومؔ محی الدین

MORE BY مخدومؔ محی الدین

    پھر چھڑی رات بات پھولوں کی

    رات ہے یا برات پھولوں کی

    پھول کے ہار پھول کے گجرے

    شام پھولوں کی رات پھولوں کی

    آپ کا ساتھ ساتھ پھولوں کا

    آپ کی بات بات پھولوں کی

    نظریں ملتی ہیں جام ملتے ہیں

    مل رہی ہے حیات پھولوں کی

    کون دیتا ہے جان پھولوں پر

    کون کرتا ہے بات پھولوں کی

    وہ شرافت تو دل کے ساتھ گئی

    لٹ گئی کائنات پھولوں کی

    اب کسے ہے دماغ تہمت عشق

    کون سنتا ہے بات پھولوں کی

    میرے دل میں سرور صبح بہار

    تیری آنکھوں میں رات پھولوں کی

    پھول کھلتے رہیں گے دنیا میں

    روز نکلے گی بات پھولوں کی

    یہ مہکتی ہوئی غزل مخدومؔ

    جیسے صحرا میں رات پھولوں کی

    ویڈیو
    This video is playing from YouTube

    Videos
    This video is playing from YouTube

    طلعت عزیز

    طلعت عزیز

    طلعت عزیز

    طلعت عزیز

    مآخذ:

    • Book: Kulliyat-e-Makhdum Muhi-ud-din (Pg. 195)

    Tagged Under

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites