phul khilte hi agar panw mein chhaale honge
phuul khilte hī agar paañv meñ chhāle hoñge
ai junūñ dasht-navardī ke bhī laale hoñge
un pe ho jā.eñge ta.amīr haqīqat ke mahal
ham ne jo ḳhvāb kabhī zehan meñ paale hoñge
bandagī merī tire dar kī jabīñ-sā.ī hai
mere sajde tire qadmoñ ke havāle hoñge
muskurātā hai har ik zaḳhm dil-e-bismil kā
hañs ke qātil ne bhī armān nikāle hoñge
ai bahārān-e-chaman vaqt kā ehsās rahe
khil ga.e phuul to kāñToñ ke havāle hoñge
inqalāb aa hī gayā sehn-e-chaman meñ 'jumbish'
ab bahāroñ ke bhī andāz nirāle hoñge
phul khilte hi agar panw mein chhaale honge
ai junun dasht-nawardi ke bhi lale honge
un pe ho jaenge tamir haqiqat ke mahal
hum ne jo KHwab kabhi zehan mein pale honge
bandagi meri tere dar ki jabin-sai hai
mere sajde tere qadmon ke hawale honge
muskuraata hai har ek zaKHm dil-e-bismil ka
hans ke qatil ne bhi arman nikale honge
ai bahaaran-e-chaman waqt ka ehsas rahe
khil gae phul to kanTon ke hawale honge
inqalab aa hi gaya sehn-e-chaman mein 'jumbish'
ab bahaaron ke bhi andaz nirale honge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
