pit karna to humse nibhana sajan humne pahle hi din tha kaha na sajan

piit karnā to ham se nibhānā sajan ham ne pahle hī din thā kahā nā sajan

tum hī majbūr ho ham hī muḳhtār haiñ ḳhair maanā sajan ye bhī maanā sajan

ab jo hone ke qisse sabhī ho chuke tum hameñ kho chuke ham tumheñ kho chuke

aage dil kī na bātoñ meñ aanā sajan ki ye dil hai sadā kā divānā sajan

ye bhī sach hai na kuchh baat jī kī banī suunī rātoñ meñ dekhā kiye chāñdnī

par ye saudā hai ham ko purānā sajan aur jiine kā apne bahānā sajan

shahr ke log achchhe haiñ hamdard haiñ par hamārī suno ham jahāñ-gard haiñ

dāġh-e-dil mat kisī ko dikhānā sajan ye zamāna nahīñ vo zamāna sajan

us ko muddat huī sabr karte hue aaj kū-e-vafā se guzarte hue

pūchh kar us gadā kā Thikānā sajan apne 'inshā' ko bhī dekh aanā sajan

pit karna to hum se nibhana sajan hum ne pahle hi din tha kaha na sajan

tum hi majbur ho hum hi muKHtar hain KHair mana sajan ye bhi mana sajan

ab jo hone ke qisse sabhi ho chuke tum hamein kho chuke hum tumhein kho chuke

aage dil ki na baaton mein aana sajan ki ye dil hai sada ka diwana sajan

ye bhi sach hai na kuchh baat ji ki bani suni raaton mein dekha kiye chandni

par ye sauda hai hum ko purana sajan aur jine ka apne bahana sajan

shahr ke log achchhe hain hamdard hain par hamari suno hum jahan-gard hain

dagh-e-dil mat kisi ko dikhana sajan ye zamana nahin wo zamana sajan

us ko muddat hui sabr karte hue aaj ku-e-wafa se guzarte hue

puchh kar us gada ka Thikana sajan apne 'insha' ko bhi dekh aana sajan