piya karte hain chhup kar shaiKH ji rozana rozana

piyā karte haiñ chhup kar shaiḳh jī rozāna rozāna

chale aate haiñ aadhī raat ko mai-ḳhāna rozāna

mohabbat jaan bhī detī hai tarsātī bhī hai yaaro

kabhī paimāna barsoñ meñ kabhī paimāna rozāna

pareshāñ huuñ kañval jaisī ye āñkheñ chuum lene do

ki in phūloñ pe manDlāyegā ye bhauñrā na rozāna

sharāboñ ko na jaane log kyuuñ badnām karte haiñ

ki maiñ to mar gayā hotā agar piitā na rozāna

kabhī chilman uThā kar dekh to lo baat mat karnā

ki dil thāme hue aatā hai ik dīvāna rozāna

kisī din bazm-e-sāqī se nikāle jāoge 'qaisar'

nibhāoge kahāñ tak ThāTh ye shāhāna rozāna

piya karte hain chhup kar shaiKH ji rozana rozana

chale aate hain aadhi raat ko mai-KHana rozana

mohabbat jaan bhi deti hai tarsati bhi hai yaro

kabhi paimana barson mein kabhi paimana rozana

pareshan hun kanwal jaisi ye aankhen chum lene do

ki in phulon pe manDlayega ye bhaunra na rozana

sharabon ko na jaane log kyun badnam karte hain

ki main to mar gaya hota agar pita na rozana

kabhi chilman uTha kar dekh to lo baat mat karna

ki dil thame hue aata hai ek diwana rozana

kisi din bazm-e-saqi se nikale jaoge 'qaisar'

nibhaoge kahan tak ThaTh ye shahana rozana