poshida kisi zat mein pahle bhi kahin tha
poshīda kisī zaat meñ pahle bhī kahīñ thā
maiñ arz o samāvāt meñ pahle bhī kahīñ thā
ik lamha-e-ġhaflat ne mujhe zer kiyā hai
dushman to mirī ghaat meñ pahle bhī kahīñ thā
be-vaj.h na badle the musavvir ne irāde
maiñ us ke ḳhayālāt meñ pahle bhī kahīñ thā
is ke ye ḳhad-o-ḳhāl zamānoñ meñ bane haiñ
ye shahr-e-mazāfāt meñ pahle bhī kahīñ thā
kis zo.am se aa.ī hai sahar le ke ujālā
sūraj to siyah raat meñ pahle bhī kahīñ thā
ik harf jo ab jā ke samar-bār huā hai
vo merī munājāt meñ pahle bhī kahīñ thā
maiñ chaak pe rakkhā na gayā thā ki mirā zikr
nā-gufta hikāyāt meñ pahle bhī kahīñ thā
poshida kisi zat mein pahle bhi kahin tha
main arz o samawat mein pahle bhi kahin tha
ek lamha-e-ghaflat ne mujhe zer kiya hai
dushman to meri ghat mein pahle bhi kahin tha
be-wajh na badle the musawwir ne irade
main us ke KHayalat mein pahle bhi kahin tha
is ke ye KHad-o-KHal zamanon mein bane hain
ye shahr-e-mazafat mein pahle bhi kahin tha
kis zoam se aai hai sahar le ke ujala
suraj to siyah raat mein pahle bhi kahin tha
ek harf jo ab ja ke samar-bar hua hai
wo meri munajat mein pahle bhi kahin tha
main chaak pe rakkha na gaya tha ki mera zikr
na-gufta hikayat mein pahle bhi kahin tha
Source:
Quarterly TASTEER Lahore (Pg. 169)
- Author: Naseer Ahmed Nasir
-
- Edition: Issue No. 5,6 April To Sep. 1998
- Publisher: Room No.-1,1st Floor, Awan Plaza, Shadman Market, Lahore
- Year of Publication: Issue No. 5,6 April To Sep. 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
