qasid tere bar bar aae

qāsid tire baar baar aa.e

ek hafte meñ tiin chaar aa.e

qātil pe jo sar ko vaar aa.e

bār-e-tan-e-zār utaar aa.e

āshuftagī ho nasīb-e-dushman

tum zulf na kyuuñ sañvār aa.e

ab kī jo na chhūTe fasl-e-gul meñ

phir dekhiye kab bahār aa.e

dil meñ nahīñ us kī kuchh kudūrat

ā.īna pe kyā ġhubār aa.e

jholī rahī apnī gul se ḳhālī

dāman meñ ulajh ke ḳhaar aa.e

gul khānā mirā tap-e-alam se

bulbul jo sune buḳhār aa.e

aayā jo 'saḳhī' mah-e-moharram

ham bazm meñ ashk-bār aa.e

qasid tere bar bar aae

ek hafte mein tin chaar aae

qatil pe jo sar ko war aae

bar-e-tan-e-zar utar aae

aashuftagi ho nasib-e-dushman

tum zulf na kyun sanwar aae

ab ki jo na chhuTe fasl-e-gul mein

phir dekhiye kab bahaar aae

dil mein nahin us ki kuchh kudurat

aaina pe kya ghubar aae

jholi rahi apni gul se KHali

daman mein ulajh ke KHar aae

gul khana mera tap-e-alam se

bulbul jo sune buKHar aae

aaya jo 'saKHi' mah-e-moharram

hum bazm mein ashk-bar aae