qadam sau man ke lagte hain kamar hi TuT jati hai

qadam sau man ke lagte haiñ kamar hī TuuT jaatī hai

koī ummīd jab bar aatī aatī TuuT jaatī hai

darīche band zehnoñ ke nahīñ khulte haiñ tāqat se

lagā ho zañg taale meñ to chābī TuuT jaatī hai

tirī ulfat meñ aisā haal hai jaise koī machhlī

nigal letī hai kāñTā aur laggī TuuT jaatī hai

jidhar ke ho udhar ke ho raho dil se to behtar hai

ki loTā be-talī kā ho to ToñTī TuuT jaatī hai

akaḌ kar bolne vaale na ho gar taan aaTe meñ

tave se qabl hī hāthoñ meñ roTī TuuT jaatī hai

chavannī ke na tuḌvāne pe ham se rūThne vaale

kahāñ hai tū ki aa ab sau kī gaDDī TuuT jaatī hai

qadam sau man ke lagte hain kamar hi TuT jati hai

koi ummid jab bar aati aati TuT jati hai

dariche band zehnon ke nahin khulte hain taqat se

laga ho zang tale mein to chabi TuT jati hai

teri ulfat mein aisa haal hai jaise koi machhli

nigal leti hai kanTa aur laggi TuT jati hai

jidhar ke ho udhar ke ho raho dil se to behtar hai

ki loTa be-tali ka ho to TonTi TuT jati hai

akaD kar bolne wale na ho gar tan aaTe mein

tawe se qabl hi hathon mein roTi TuT jati hai

chawanni ke na tuDwane pe hum se ruThne wale

kahan hai tu ki aa ab sau ki gaDDi TuT jati hai