qafas ko toD ke main baal-o-par bhi dekhunga

qafas ko toḌ ke maiñ bāl-o-par bhī dekhūñgā

jo bāl-o-par hoñ salāmat to ghar bhī dekhūñgā

phir is ke baad na kahnā sadā-ba-sahrā thī

maiñ apnī baat kā tujh par asar bhī dekhūñgā

yahāñ to sab hī purānī ravish pe chalte haiñ

maiñ ab banā ke na.ī rah-guzar bhī dekhūñgā

milūñgā tum se to māñgūñgā roz-o-shab kā hisāb

rahūñgā ghar meñ to phir bām-o-dar bhī dekhūñgā

maiñ ḳhush bahut thā bahāroñ ke darmiyāñ manzar

ḳhabar na thī ki ḳhizāñ kā guzar bhī dekhūñgā

qafas ko toD ke main baal-o-par bhi dekhunga

jo baal-o-par hon salamat to ghar bhi dekhunga

phir is ke baad na kahna sada-ba-sahra thi

main apni baat ka tujh par asar bhi dekhunga

yahan to sab hi purani rawish pe chalte hain

main ab bana ke nai rah-guzar bhi dekhunga

milunga tum se to mangunga roz-o-shab ka hisab

rahunga ghar mein to phir baam-o-dar bhi dekhunga

main KHush bahut tha bahaaron ke darmiyan manzar

KHabar na thi ki KHizan ka guzar bhi dekhunga