aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qaid-e-shab-e-hayat badan mein guzar ke

Mayank Awasthi

qaid-e-shab-e-hayat badan mein guzar ke

Mayank Awasthi

MORE BYMayank Awasthi

    qaid-e-shab-e-hayāt badan meñ guzār ke

    uḌ jā.ūñgā maiñ sub.h aziyyat utaar ke

    ik dhuup zindagī ko yuuñ sahrā banā ga.ī

    aa.e na is ujaaḌ meñ mausam bahār ke

    ye be-gunāh sham.a jalegī tamām raat

    is ke laboñ se chhū ga.e the lab sharār ke

    sīlan ko raah mil ga.ī dīmak ko sair-gāh

    anjām dekh lījiye ghar darār ke

    sajtī nahīñ hai tum pe ye tahzīb-e-maġhribī

    ik to phaTe libās haiñ vo bhī udhār ke

    bādal nahīñ huzūr ye āñdhī hai aag

    āñkhoñ se dekhiye zarā chashma utaar ke

    jab hathkaḌī ko toḌ ke kāfir huā farār

    rote rahe asiir ḳhudā ko pukār ke

    qaid-e-shab-e-hayat badan mein guzar ke

    uD jaunga main subh aziyyat utar ke

    ek dhup zindagi ko yun sahra bana gai

    aae na is ujaD mein mausam bahaar ke

    ye be-gunah shama jalegi tamam raat

    is ke labon se chhu gae the lab sharar ke

    silan ko rah mil gai dimak ko sair-gah

    anjam dekh lijiye ghar ki darar ke

    sajti nahin hai tum pe ye tahzib-e-maghribi

    ek to phaTe libas hain wo bhi udhaar ke

    baadal nahin huzur ye aandhi hai aag ki

    aankhon se dekhiye zara chashma utar ke

    jab hathkaDi ko toD ke kafir hua farar

    rote rahe asir KHuda ko pukar ke

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now