qalb-gah mein zara zara sa kuchh

qalb-gah meñ zarā zarā sā kuchh

zaḳhm jaisā chamak rahā thā kuchh

yuuñ to vo log mujh hī jaise the

in kī āñkhoñ meñ aur hī thā kuchh

thā sar-e-jism ik charāġhāñ sā

raushnī meñ nazar na aayā kuchh

ham zamīñ kī taraf jab aa.e the

āsmānoñ meñ rah gayā thā kuchh

dūsroñ kī nazar se dekheñge

dekhnā kuchh thā ham ne dekhā kuchh

kuchh badan kī zabān kahtī thī

āñsuoñ kī zabān meñ thā kuchh

qalb-gah mein zara zara sa kuchh

zaKHm jaisa chamak raha tha kuchh

yun to wo log mujh hi jaise the

in ki aankhon mein aur hi tha kuchh

tha sar-e-jism ek charaghan sa

raushni mein nazar na aaya kuchh

hum zamin ki taraf jab aae the

aasmanon mein rah gaya tha kuchh

dusron ki nazar se dekhenge

dekhna kuchh tha hum ne dekha kuchh

kuchh badan ki zaban kahti thi

aansuon ki zaban mein tha kuchh