qurbat-e-husn se ye haal hua dekho to

Shahid Bhopali

qurbat-e-husn se ye haal hua dekho to

Shahid Bhopali

MORE BYShahid Bhopali

    qurbat-e-husn se ye haal huā dekho to

    raushnī de uThā saaya bhī mirā dekho to

    kuchh na kah paa.e ye taslīm-o-razā dekho to

    kitne pāband haiñ arbāb-e-vafā dekho to

    rind piine ke liye jām-ba-kaf baiThe haiñ

    zarf bhī hai ki nahīñ in meñ zarā dekho to

    vaqt jo mere ishāroñ pe chalā kartā thā

    kis qadar jald mujhe bhuul gayā dekho to

    aabrū kāñToñ rakhne ke liye sahrā meñ

    mil jā.egā koī ābla-pā dekho to

    kārvāñ koī bichhḌā huā sāthī hogā

    us āvāz suno muḌ ke zarā dekho to

    kal tak ik phuul bhī thā jis ke liye bār-e-garāñ

    haath patthar taraf us baḌhā dekho to

    jaane kis moḌ pe le aayā tasavvur faroġh

    maañd lagne lagī sūraj ziyā dekho to

    haath to surḳh ka.ī din se haiñ un ke 'shāhid'

    ḳhūn-e-nāhaq hai ki hai rang-e-hinā dekho to

    qurbat-e-husn se ye haal hua dekho to

    raushni de uTha saya bhi mera dekho to

    kuchh na kah pae ye taslim-o-raza dekho to

    kitne paband hain arbab-e-wafa dekho to

    rind pine ke liye jam-ba-kaf baiThe hain

    zarf bhi hai ki nahin in mein zara dekho to

    waqt jo mere ishaaron pe chala karta tha

    kis qadar jald mujhe bhul gaya dekho to

    aabru kanTon ki rakhne ke liye sahra mein

    mil hi jaega koi aabla-pa dekho to

    karwan ka koi bichhDa hua sathi hoga

    us ki aawaz suno muD ke zara dekho to

    kal tak ek phul bhi tha jis ke liye bar-e-garan

    hath patthar ki taraf us ka baDha dekho to

    jaane kis moD pe le aaya tasawwur ka farogh

    mand lagne lagi suraj ki ziya dekho to

    hath to surKH kai din se hain un ke 'shahid'

    KHun-e-nahaq hai ki hai rang-e-hina dekho to

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY