quwwat-e-jaur jae chhin tujhse jo tu jafa kare

quvvat-e-jaur jaa.e chhin tujh se jo tū jafā kare

tū bhī ho be-bas ek din aisā bhī ho ḳhudā kare

chheḌe koī jo ġham kī baat terā bhī jaa.e dil pe haath

siine meñ dhaḌkanoñ ke saath tiir sā kuchh chubhā kare

tere bhī hoñT jaa.eñ sil tū bhī kabhī ho munfa.il

ruḳh pe baras ke abr-e-dil qissa-e-dil kahā kare

ātish-e-shauq ho na kam baḌhtī hī jaa.e dam-ba-dam

lazzat-e-dilbarī se ġham tujh ko bhī āshnā kare

ūl-julūl bak gayā tujh ko tirā ye dil-jalā

rab se magar hai ye duā kuchh na tirā burā kare

vaqt kī aa.e din kī raaḌ ziist kī dam-ba-dam latāḌ

us pe ġhamoñ kī chheḌ-chhāḌ koī na kyuuñ chiḌā kare

vasl kī bar na aa.e aas kar ke hazār iltimās

hijr meñ ho jo mahv-e-yās vo ye ġhazal paḌhā kare

quwwat-e-jaur jae chhin tujh se jo tu jafa kare

tu bhi ho be-bas ek din aisa bhi ho KHuda kare

chheDe koi jo gham ki baat tera bhi jae dil pe hath

sine mein dhaDkanon ke sath tir sa kuchh chubha kare

tere bhi honT jaen sil tu bhi kabhi ho munfail

ruKH pe baras ke abr-e-dil qissa-e-dil kaha kare

aatish-e-shauq ho na kam baDhti hi jae dam-ba-dam

lazzat-e-dilbari se gham tujh ko bhi aashna kare

ul-julul bak gaya tujh ko tera ye dil-jala

rab se magar hai ye dua kuchh na tera bura kare

waqt ki aae din ki raD zist ki dam-ba-dam lataD

us pe ghamon ki chheD-chhaD koi na kyun chiDa kare

wasl ki bar na aae aas kar ke hazar iltimas

hijr mein ho jo mahw-e-yas wo ye ghazal paDha kare