rah mein shahr-e-tarab yaad aaya

raah meñ shahr-e-tarab yaad aayā

jo bhulāyā thā vo sab yaad aayā

jaane ab sub.h kā aalam kyā ho

aaj vo āḳhir-e-shab yaad aayā

ham pe guzrā hai vo lamha ik din

kuchh nahīñ yaad thā rab yaad aayā

jab nahīñ umr to vo phuul khilā

kab kā bachhḌā huā kab yaad aayā

raqs karne lagī tāroñ bharī shab

tū bhī is raat ajab yaad aayā

kitnā iqrār chhupā thā is meñ

tere inkār kā Dhab yaad aayā

hosh uḌne lage 'nāsir' kī tarah

aaj vo yaar ġhazab yaad aayā

rah mein shahr-e-tarab yaad aaya

jo bhulaya tha wo sab yaad aaya

jaane ab subh ka aalam kya ho

aaj wo aaKHir-e-shab yaad aaya

hum pe guzra hai wo lamha ek din

kuchh nahin yaad tha rab yaad aaya

jab nahin umr to wo phul khila

kab ka bachhDa hua kab yaad aaya

raqs karne lagi taron bhari shab

tu bhi is raat ajab yaad aaya

kitna iqrar chhupa tha is mein

tere inkar ka Dhab yaad aaya

hosh uDne lage 'nasir' ki tarah

aaj wo yar ghazab yaad aaya