aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raat bahut sharab pi raat bahut paDhi namaz

Farhat Ehsas

raat bahut sharab pi raat bahut paDhi namaz

Farhat Ehsas

MORE BYFarhat Ehsas

    raat bahut sharāb raat bahut paḌhī namāz

    ek vuzū meñ ho ga.ī mujh se ka.ī ka.ī namāz

    tum to azaan de ke yaar jaane kahāñ chale ga.e

    masjid-e-jism kyā batā.e kaise paḌhī ga.ī namāz

    mere baġhair ho na paa.ī koī namāz-e-zindagī

    hogī magar mire baġhair merī vo āḳhirī namāz

    maiñ bhī bahut nashe meñ thā nashe meñ thā imaam bhī

    us ne paḌhā.ī jaane kyā maiñ ne bhī kyā paḌhī namāz

    but-kada thā ki mai-kada saaqī thā but ki thā ḳhudā

    sub.h rahā na kuchh bhī yaad raat bahut paḌhī namāz

    kaun sunā.egā mujhe merī azaan azaan

    kaun paḌhā.egā mujhe merī namāz namāz

    ye bhī koī maraz hai kyā chal diye phir namāz ko

    paḌh ke to aa.e the huzūr aap abhī abhī namāz

    jaise ki ek ġhazal hotī hai saarī umr meñ

    vaise saarī umr meñ hotī hai ek namāz

    raat bahut sharab pi raat bahut paDhi namaz

    ek wuzu mein ho gai mujh se kai kai namaz

    tum to azan de ke yar jaane kahan chale gae

    masjid-e-jism kya batae kaise paDhi gai namaz

    mere baghair ho na pai koi namaz-e-zindagi

    hogi magar mere baghair meri wo aaKHiri namaz

    main bhi bahut nashe mein tha nashe mein tha imam bhi

    us ne paDhai jaane kya main ne bhi kya paDhi namaz

    but-kada tha ki mai-kada saqi tha but ki tha KHuda

    subh raha na kuchh bhi yaad raat bahut paDhi namaz

    kaun sunaega mujhe meri azan ki azan

    kaun paDhaega mujhe meri namaz ki namaz

    ye bhi koi maraz hai kya chal diye phir namaz ko

    paDh ke to aae the huzur aap abhi abhi namaz

    jaise ki ek hi ghazal hoti hai sari umr mein

    waise hi sari umr mein hoti hai ek hi namaz

    Source:

    Mohabbat Kar Ke Dekho Na (Pg. 57)

    • Author: Farhat Ehsas
      • Edition: First
      • Publisher: Rekhta Publications
      • Year of Publication: 2019
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now