raaton ko din ke sapne dekhun din ko bitaun sone mein

rātoñ ko din ke sapne dekhūñ din ko bitā.ūñ sone meñ

mere liye koī farq nahīñ hai hone aur na hone meñ

barsoñ ba.ad use dekhā to āñkhoñ meñ do hiire the

aur badan kī saarī chāñdī chhupī huī thī sone meñ

dhartī terī gahrā.ī meñ hoñge mīThe sot magar

maiñ to sarf huā jaatā huuñ kañkar patthar Dhone meñ

ghar meñ to ab kyā rakkhā hai vaise aao talāsh kareñ

shāyad koī ḳhvāb paḌā ho idhar udhar kisī kone meñ

saa.e meñ saaya ulajh rahā thā chāhat ho ki adāvat ho

duur se dekho to lagte the sūraj chāñd bichhaune meñ

raaton ko din ke sapne dekhun din ko bitaun sone mein

mere liye koi farq nahin hai hone aur na hone mein

barson baad use dekha to aankhon mein do hire the

aur badan ki sari chandi chhupi hui thi sone mein

dharti teri gahrai mein honge miThe sot magar

main to sarf hua jata hun kankar patthar Dhone mein

ghar mein to ab kya rakkha hai waise aao talash karen

shayad koi KHwab paDa ho idhar udhar kisi kone mein

sae mein saya ulajh raha tha chahat ho ki adawat ho

dur se dekho to lagte the suraj chand bichhaune mein