rah-e-KHizan mein talash-e-bahaar karte rahe

rah-e-ḳhizāñ meñ talāsh-e-bahār karte rahe

vo ek tarfa sahī tum se pyaar karte rahe

hai kyā tamāshā udhar ranjisheñ hī baḌhtī rahīñ

ta.alluqāt hamīñ ustuvār karte rahe

guzar ga.ī jo ghaḌī lauT kar na aa.ī kabhī

talāsh-e-shām-o-sahar baar baar karte rahe

tumhārī chaah meñ jitne bhī zaḳhm ham ko mile

mohabbatoñ meñ ham un kā shumār karte rahe

tirī anā pe hameñ iḳhtiyār hī kab thā

tamām umr tirā intizār karte rahe

'adīl' log gharoñ ko sajā.e baiThe haiñ

faroġh-e-husn faqat barg-o-bār karte rahe

rah-e-KHizan mein talash-e-bahaar karte rahe

wo ek tarfa sahi tum se pyar karte rahe

hai kya tamasha udhar ranjishen hi baDhti rahin

talluqat hamin ustuwar karte rahe

guzar gai jo ghaDi lauT kar na aai kabhi

talash-e-sham-o-sahar bar bar karte rahe

tumhaari chah mein jitne bhi zaKHm hum ko mile

mohabbaton mein hum un ka shumar karte rahe

teri ana pe hamein iKHtiyar hi kab tha

tamam umr tera intizar karte rahe

'adil' log gharon ko sajae baiThe hain

farogh-e-husn faqat barg-o-bar karte rahe