rah gai wo nigah-e-naz qalb o jigar mein baiTh kar

rah ga.ī vo nigāh-e-nāz qalb o jigar meñ baiTh kar

dil meñ latīf sī ḳhalish aañkh hai āñ.suoñ se tar

raat kī niiñd uḌ ga.ī din kā sukūn luT gayā

terī nigāh-e-nāz ne kar diyā dil pe kyā asar

sun na sake usī ko vo kah na sakā usī ko maiñ

aish kī dāstāñ meñ jo haal thā ġham kā muḳhtasar

shāḳh se gul jo gir paḌā dil se lagā ke rakh liyā

daur-e-ḳhizāñ bhī dekh luuñ phuul chune haiñ umr bhar

koī agar nihāl hai koī ḳharāb-hāl hai

zarf ke saath saath hai un kī nigāh kā asar

rañg-e-chaman ko dekh kar 'ārif'-e-ḳhasta-dil ye kyā

phūloñ pe hai kabhī nazar kāñToñ pe hai kabhī nazar

rah gai wo nigah-e-naz qalb o jigar mein baiTh kar

dil mein latif si KHalish aankh hai aansuon se tar

raat ki nind uD gai din ka sukun luT gaya

teri nigah-e-naz ne kar diya dil pe kya asar

sun na sake usi ko wo kah na saka usi ko main

aish ki dastan mein jo haal tha gham ka muKHtasar

shaKH se gul jo gir paDa dil se laga ke rakh liya

daur-e-KHizan bhi dekh lun phul chune hain umr bhar

koi agar nihaal hai koi KHarab-haal hai

zarf ke sath sath hai un ki nigah ka asar

rang-e-chaman ko dekh kar 'arif'-e-KHasta-dil ye kya

phulon pe hai kabhi nazar kanTon pe hai kabhi nazar