rah ke parde mein ruKH-e-pur-nur ki baaten na kar

rah ke parde meñ ruḳh-e-pur-nūr kī bāteñ na kar

duur se bāteñ sunā kar duur kī bāteñ na kar

baiTh kar duniyā meñ zāhid huur kī bāteñ na kar

rah ke itnī duur itnī duur kī bāteñ na kar

lan-tarānī jalva-e-jānāñ tirī achchhī nahīñ

maiñ koī muusā nahīñ huuñ tuur kī bāteñ na kar

merī be-hoshī baḌhī jaatī hai is tadbīr se

chāragar tū dīda-e-maḳhmūr kī bāteñ na kar

apnā ġham mujh ko parā.e ġham se yaad aane lagā

ham-nashīñ mujh se dil-e-ranjūr kī bāteñ na kar

paas aane ko jo kahtā huuñ to 'muztar' naaz se

kahte haiñ chal duur itnī duur kī bāteñ na kar

rah ke parde mein ruKH-e-pur-nur ki baaten na kar

dur se baaten suna kar dur ki baaten na kar

baiTh kar duniya mein zahid hur ki baaten na kar

rah ke itni dur itni dur ki baaten na kar

lan-tarani jalwa-e-jaanan teri achchhi nahin

main koi musa nahin hun tur ki baaten na kar

meri be-hoshi baDhi jati hai is tadbir se

chaaragar tu dida-e-maKHmur ki baaten na kar

apna gham mujh ko parae gham se yaad aane laga

ham-nashin mujh se dil-e-ranjur ki baaten na kar

pas aane ko jo kahta hun to 'muztar' naz se

kahte hain chal dur itni dur ki baaten na kar