raKHt-e-safar hai isMein qarina bhi chahiye
raḳht-e-safar hai is meñ qarīna bhī chāhiye
āñkheñ bhī chāhiye dil-e-bīnā bhī chāhiye
un kī galī meñ ek mahīna guzār kar
kahnā ki aur ek mahīna bhī chāhiye
mahkegā un ke dar pe ki zaḳhm-e-dahan hai ye
vāpas jab aao to ise siinā bhī chāhiye
ronā to chāhiye hai ki dahlīz un kī hai
rone kā rone vaalo qarīna bhī chāhiye
daulat milī hai dil kī to rakkho sambhāl kar
is ke liye dimāġh bhī siina bhī chāhiye
dil kah rahā thā aur ghaḌī thī qubūl kī
makka bhī chāhiye hai madīna bhī chāhiye
raKHt-e-safar hai is mein qarina bhi chahiye
aankhen bhi chahiye dil-e-bina bhi chahiye
un ki gali mein ek mahina guzar kar
kahna ki aur ek mahina bhi chahiye
mahkega un ke dar pe ki zaKHm-e-dahan hai ye
wapas jab aao to ise sina bhi chahiye
rona to chahiye hai ki dahliz un ki hai
rone ka rone walo qarina bhi chahiye
daulat mili hai dil ki to rakkho sambhaal kar
is ke liye dimagh bhi sina bhi chahiye
dil kah raha tha aur ghaDi thi qubul ki
makka bhi chahiye hai madina bhi chahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
