rakhta hun main haq par nazar koi kuchh kaho koi kuchh kaho
rakhta hun main haq par nazar koi kuchh kaho koi kuchh kaho
Shaikh Zahuruddin Hatim
MORE BYShaikh Zahuruddin Hatim
rakhtā huuñ maiñ haq par nazar koī kuchh kaho koī kuchh kaho
hushyār huuñ yā be-ḳhabar koī kuchh kaho koī kuchh kaho
qismat muqaddar buujh kar ġhaflat meñ aa kar hirs se
phir kyā hai phirnā dar-ba-dar koī kuchh kaho koī kuchh kaho
juz ma.asiyat ke kuchh nahīñ hai kaam mujh aasī ke ta.iiñ
har roz o har shaam o sahar koī kuchh kaho koī kuchh kaho
kuchh nek o bad kahne kā ab ḳhatra nahīñ hai ḳhalq kā
yaksāñ kiyā naf o zarar koī kuchh kaho koī kuchh kaho
hai chaar din kī zindagī ḳhush rah ke āḳhir ke ta.iiñ
duniyā se jaanā hai guzar koī kuchh kaho koī kuchh kaho
'hātim' tavaqqo.a chhoḌ kar aalam meñ tā shaah o gadā
aa kar lagā haidar ke dar koī kuchh kaho koī kuchh kaho
rakhta hun main haq par nazar koi kuchh kaho koi kuchh kaho
hushyar hun ya be-KHabar koi kuchh kaho koi kuchh kaho
qismat muqaddar bujh kar ghaflat mein aa kar hirs se
phir kya hai phirna dar-ba-dar koi kuchh kaho koi kuchh kaho
juz masiyat ke kuchh nahin hai kaam mujh aasi ke tain
har roz o har sham o sahar koi kuchh kaho koi kuchh kaho
kuchh nek o bad kahne ka ab KHatra nahin hai KHalq ka
yaksan kiya naf o zarar koi kuchh kaho koi kuchh kaho
hai chaar din ki zindagi KHush rah ke aaKHir ke tain
duniya se jaana hai guzar koi kuchh kaho koi kuchh kaho
'hatim' tawaqqoa chhoD kar aalam mein ta shah o gada
aa kar laga haidar ke dar koi kuchh kaho koi kuchh kaho
Source:
Diwan-e-Zadah (Pg. 271)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
