rang-e-mahfil se fuzun-tar meri hairani hai

rang-e-mahfil se fuzūñ-tar mirī hairānī hai

pairahan bā.is-e-izzat hai na uryānī hai

niind aatī hai magar jaag rahā huuñ sar-e-ḳhvāb

aañkh lagtī hai to ye umr guzar jaanī hai

aur kyā hai tirī duniyā meñ sivā-e-man-o-tū

minnat-e-ġhair kī zillat hai jahāñbānī hai

chuum lo us ko isī ālam-e-mad.hoshī meñ

āḳhir-e-ḳhvāb vahī be-sar-o-sāmānī hai

apne sāmāñ meñ tasāvīr-e-butāñ haiñ ye ḳhutūt

kuchh lakīreñ haiñ kaf-e-dast hai peshānī hai

rang-e-mahfil se fuzun-tar meri hairani hai

pairahan bais-e-izzat hai na uryani hai

nind aati hai magar jag raha hun sar-e-KHwab

aankh lagti hai to ye umr guzar jaani hai

aur kya hai teri duniya mein siwa-e-man-o-tu

minnat-e-ghair ki zillat hai jahanbani hai

chum lo us ko isi aalam-e-madhoshi mein

aaKHir-e-KHwab wahi be-sar-o-samani hai

apne saman mein tasawir-e-butan hain ye KHutut

kuchh lakiren hain kaf-e-dast hai peshani hai