rang yahan bahut magar rang se kaam bhi nahin

rañg yahāñ bahut magar rañg se kaam bhī nahīñ

terī ye bazm-e-āb-o-gil dil kā maqām bhī nahīñ

bas ki kahīñ na jaag uTheñ soī huī qayāmateñ

ye to ḳhirām-e-hashr hai hashr-ḳhirām bhī nahīñ

merī namāz-e-kaif meñ sajda kahāñ rukūa kyā

sāqī-e-mast kī qasam hosh-e-imām bhī nahīñ

husn tamām guftugū ishq tamām ḳhāmushī

raf-e-shukūk bhī nahīñ qat-e-kalām bhī nahīñ

mai se agar gurez hai sajda to ḳhum ko kījiye

baada harām ho to ho sajda harām bhī nahīñ

rang yahan bahut magar rang se kaam bhi nahin

teri ye bazm-e-ab-o-gil dil ka maqam bhi nahin

bas ki kahin na jag uThen soi hui qayamaten

ye to KHiram-e-hashr hai hashr-KHiram bhi nahin

meri namaz-e-kaif mein sajda kahan rukua kya

saqi-e-mast ki qasam hosh-e-imam bhi nahin

husn tamam guftugu ishq tamam KHamushi

raf-e-shukuk bhi nahin qat-e-kalam bhi nahin

mai se agar gurez hai sajda to KHum ko kijiye

baada haram ho to ho sajda haram bhi nahin