rangon ki wahshaton ka tamasha thi baam-e-sham

rañgoñ kī vahshatoñ kā tamāshā thī bām-e-shām

taarī thā har makāñ pe jalāl-e-davām-e-shām

guldasta-e-jihāt thā nairañg-e-rāh-e-ishq

thā ik tilism-e-husn-e-ḳhayābān-e-dām-e-shām

aage kī manziloñ kī taraf shaam kā safar

jaise shaboñ ke dil meñ thā shahr-e-qayām-e-shām

bāñdhe hue haiñ vaqt sabhī us ke hukm meñ

hai jis ḳhudā ke haath meñ kār-e-nizām-e-shām

dhuñdlā ga.ī hai shaam shab-e-ḳhām se 'munīr'

ḳhālī huā kashish kī sharāboñ se jām-e-shām

rangon ki wahshaton ka tamasha thi baam-e-sham

tari tha har makan pe jalal-e-dawam-e-sham

guldasta-e-jihat tha nairang-e-rah-e-ishq

tha ek tilism-e-husn-e-KHayaban-e-dam-e-sham

aage ki manzilon ki taraf sham ka safar

jaise shabon ke dil mein tha shahr-e-qayam-e-sham

bandhe hue hain waqt sabhi us ke hukm mein

hai jis KHuda ke hath mein kar-e-nizam-e-sham

dhundla gai hai sham shab-e-KHam se 'munir'

KHali hua kashish ki sharabon se jam-e-sham