rangon se ThanDe pani ke chashme bana diye

rañgoñ se ThanDe paanī ke chashme banā diye

kāġhaz pe sāya-dār shajar bhī lagā diye

lā.ūñgā ab kahāñ se nazāre kī taab maiñ

us ne to merī aañkh se parde haTā diye

bāġh-e-hurūf-o-gulshan-e-ma.anī meñ dekhnā

kis ne ye ḳhāmushī ke na.e gul khilā diye

chhoTe se abr paare ne aa ke sar-e-falak

ahl-e-nazar ko din Dhale paiġhām kyā diye

bas ham to ek chhoTī sī zid pe aḌe rahe

dastār ko bachāne meñ sar hī kaTā diye

āñkhoñ meñ rah ga.e haiñ faqat aas ke sarāb

dariyā vo yaas ke the jo un meñ bahā diye

din ko safar kuchh aur bhī āsān ho gayā

rātoñ ko sabz ḳhvāb ye kis ne dikhā diye

tartīb se liye haiñ tumhāre tamām naam

ik aur hī falak pe sitāre sajā diye

tūfāñ kā ruup dhaar liyā tez saañs ne

itnā ki ḳhvāb-gāh ke parde hilā diye

rangon se ThanDe pani ke chashme bana diye

kaghaz pe saya-dar shajar bhi laga diye

launga ab kahan se nazare ki tab main

us ne to meri aankh se parde haTa diye

bagh-e-huruf-o-gulshan-e-mani mein dekhna

kis ne ye KHamushi ke nae gul khila diye

chhoTe se abr pare ne aa ke sar-e-falak

ahl-e-nazar ko din Dhale paigham kya diye

bas hum to ek chhoTi si zid pe aDe rahe

dastar ko bachane mein sar hi kaTa diye

aankhon mein rah gae hain faqat aas ke sarab

dariya wo yas ke the jo un mein baha diye

din ko safar kuchh aur bhi aasan ho gaya

raaton ko sabz KHwab ye kis ne dikha diye

tartib se liye hain tumhaare tamam nam

ek aur hi falak pe sitare saja diye

tufan ka rup dhaar liya tez sans ne

itna ki KHwab-gah ke parde hila diye