rawish rawish pe use gulsitan mein phul mile

ravish ravish pe use gulsitāñ meñ phuul mile

magar mujhe to har ik gaam par babūl mile

ḳhudā ke naam pe karte haiñ gumrahī paidā

jahāñ meñ aise bhī kuchh nā.eb-e-rasūl mile

hayāt-e-shauq chamak jaa.e kahkashāñ kī tarah

agar jabīñ ko tire āstāñ kī dhuul mile

nisār jā.iye is ehtimām-e-gulshan ke

qadam qadam pe jahāñ ḳhaar ban ke phuul mile

rahe hamesha mujhe apnī jaan se bhī aziiz

rah-e-hayāt meñ aise bhī kuchh usuul mile

na pūchh maktab-e-dīvāngī kā faiz 'kamāl'

jo mashvare bhī mile qābil-e-qubull mile

rawish rawish pe use gulsitan mein phul mile

magar mujhe to har ek gam par babul mile

KHuda ke nam pe karte hain gumrahi paida

jahan mein aise bhi kuchh naeb-e-rasul mile

hayat-e-shauq chamak jae kahkashan ki tarah

agar jabin ko tere aastan ki dhul mile

nisar jaiye is ehtimam-e-gulshan ke

qadam qadam pe jahan KHar ban ke phul mile

rahe hamesha mujhe apni jaan se bhi aziz

rah-e-hayat mein aise bhi kuchh usul mile

na puchh maktab-e-diwangi ka faiz 'kamal'

jo mashware bhi mile qabil-e-qubull mile