resham zulf ke tar bhi baaten karte hain
resham zulf ke taar bhī bāteñ karte haiñ
us ke to ruḳhsār bhī bāteñ karte haiñ
itnā vaqt maiñ detā huuñ us laḌkī ko
ab to mere yaar bhī bāteñ karte haiñ
sau afsāne ban jaate haiñ donoñ ke
ham donoñ do chaar bhī bāteñ karte haiñ
har ik sher nahīñ ho saktā achchhā sher
shā.ir kuchh be-kār bhī bāteñ karte haiñ
itne zaḳhm dikhātā huuñ maiñ aa.e din
mujh ko to ġham-ḳhvār bhī bāteñ karte haiñ
resham zulf ke tar bhi baaten karte hain
us ke to ruKHsar bhi baaten karte hain
itna waqt main deta hun us laDki ko
ab to mere yar bhi baaten karte hain
sau afsane ban jate hain donon ke
hum donon do chaar bhi baaten karte hain
har ek sher nahin ho sakta achchha sher
shair kuchh be-kar bhi baaten karte hain
itne zaKHm dikhata hun main aae din
mujh ko to gham-KHwar bhi baaten karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
