aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rindan-e-tishna-kaam ko ja kar KHabar karen

Ehsan Danish

rindan-e-tishna-kaam ko ja kar KHabar karen

Ehsan Danish

MORE BYEhsan Danish

    rindān-e-tishna-kām ko kar ḳhabar kareñ

    aa.ī bahār abr-e-karam par nazar kareñ

    huuñ munfa.il zarūr magar ai gunāh-e-ishq

    ab ashk bhī nahīñ haiñ jo dāman ko tar kareñ

    be-vaj.h kab hai pursish-e-hāl-e-shab-e-firāq

    maqsad ye hai izāfa-e-dard-e-jigar kareñ

    fursat ke din haiñ sāqī-e-mai-kash-navāz uTh

    kyuuñ intizār-e-mausam-e-dīvāna-gar kareñ

    mujh par uThā rahe haiñ jo mahfil meñ uñgliyāñ

    apnī haqīqatoñ pe to āḳhir nazar kareñ

    ka.abe meñ ḳhāmoshī hai sanam-ḳhāne meñ sukūt

    sūrat-parast ab tire sajda kidhar kareñ

    uf re jamāl-e-jalva-e-jānāñ tābisheñ

    dekheñ unheñ ki mātam-e-tāb-e-nazar kareñ

    aurāq-e-do-jahāñ pe bhī hogā na iḳhtitām

    'ehsān' sarguzasht-e-alam muḳhtasar kareñ

    rindan-e-tishna-kaam ko ja kar KHabar karen

    aai bahaar abr-e-karam par nazar karen

    hun munfail zarur magar ai gunah-e-ishq

    ab ashk bhi nahin hain jo daman ko tar karen

    be-wajh kab hai pursish-e-haal-e-shab-e-firaq

    maqsad ye hai izafa-e-dard-e-jigar karen

    fursat ke din hain saqi-e-mai-kash-nawaz uTh

    kyun intizar-e-mausam-e-diwana-gar karen

    mujh par uTha rahe hain jo mahfil mein ungliyan

    apni haqiqaton pe to aaKHir nazar karen

    kabe mein KHamoshi hai sanam-KHane mein sukut

    surat-parast ab tere sajda kidhar karen

    uf re jamal-e-jalwa-e-jaanan ki tabishen

    dekhen unhen ki matam-e-tab-e-nazar karen

    auraq-e-do-jahan pe bhi hoga na iKHtitam

    'ehsan' sarguzasht-e-alam muKHtasar karen

    Source:

    Ghazaliyat-e-ahsaan Danish (Pg. 176)

    • Author: Shabnam Parveen
      • Edition: 2006
      • Publisher: Asghar Publishers
      • Year of Publication: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now