ruKH-e-raushan ka raushan ek pahlu bhi nahin nikla
ruḳh-e-raushan kā raushan ek pahlū bhī nahīñ niklā
jise maiñ chāñd samjhā thā vo jugnū bhī nahīñ niklā
vo terā dost jo phūloñ ko pathrāne kā aadī thā
kuchh us se sho.abda-bāzī meñ kam tū bhī nahīñ niklā
abhī kis muñh se maiñ da.avā karūñ shādāb hone kā
abhī tarshe hue shāne pe baazū bhī nahīñ niklā
gharoñ se kis liye ye bhiiḌ saḌkoñ par nikal aa.ī
abhī to bāñTne vo shaḳhs ḳhushbū bhī nahīñ niklā
shikārī aa.e the dil meñ shikār-e-ārzū karne
magar is dasht meñ to ek aahū bhī nahīñ niklā
tirī bhī husn-kārī ke hazāroñ log haiñ qaa.il
galī-kūchoñ se lekin us kā jaadū bhī nahīñ niklā
batā is daur meñ iqbāl-'sājid' kaun niklegā
sadāqat kā alam le kar agar tū bhī nahīñ niklā
ruKH-e-raushan ka raushan ek pahlu bhi nahin nikla
jise main chand samjha tha wo jugnu bhi nahin nikla
wo tera dost jo phulon ko pathrane ka aadi tha
kuchh us se shoabda-bazi mein kam tu bhi nahin nikla
abhi kis munh se main dawa karun shadab hone ka
abhi tarshe hue shane pe bazu bhi nahin nikla
gharon se kis liye ye bhiD saDkon par nikal aai
abhi to banTne wo shaKHs KHushbu bhi nahin nikla
shikari aae the dil mein shikar-e-arzu karne
magar is dasht mein to ek aahu bhi nahin nikla
teri bhi husn-kari ke hazaron log hain qail
gali-kuchon se lekin us ka jadu bhi nahin nikla
bata is daur mein iqbaal-'sajid' kaun niklega
sadaqat ka alam le kar agar tu bhi nahin nikla
Source:
kulliyat-e-iqbaal saajid (Pg. 89)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
