رت کی بے رنگ فضا ہے میں ہوں
رت کی بے رنگ فضا ہے میں ہوں
برگ ریزوں کی صدا ہے میں ہوں
رات کا ایک بجا ہے میں ہوں
گھر میں جو جاگ رہا ہے میں ہوں
یہ جو ہے دھوپ کرن یہ تم ہو
یہ دریچہ جو کھلا ہے میں ہوں
جو رگ جاں میں ہے روشن تم ہو
طاق دل میں جو بجھا ہے میں ہوں
یہ جو کرچیں ہیں مری ذات کی ہیں
مجھ میں جو ٹوٹ گیا ہے میں ہوں
یہ دھنک دیکھ رہی ہو جاناں
اس میں جو رنگ ہرا ہے میں ہوں
یہ جو تنہائی ہے میہماں ہے یہاں
گھر میں ہم دو ہیں خدا ہے میں ہوں
زندگی لوٹ رہی ہے مجھ میں
بعد مدت یہ لگا ہے میں ہوں
مأخذ :
- کتاب : ہم زمیں پر آسماں کے پھول ہیں (Pg. 58)
- Author : وکاس شرما راز
- مطبع : ریختہ پبلی کیشنز (2025)
- اشاعت : 3rd
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
