rudad-e-gham mein DhunDiye lutf-e-bayan nahin

rūdād-e-ġham meñ DhūñDiye lutf-e-bayāñ nahīñ

ye to hadīs-e-dil hai koī dāstāñ nahīñ

shikva nahīñ gila nahīñ āh-o-fuġhāñ nahīñ

apnā jo haal hai vo kisī par ayaañ nahīñ

apnā yaqīñ kabhī bhī asīr-e-gumāñ nahīñ

ai shaiḳh un ke mere koī darmiyāñ nahīñ

ai dil jafā-e-ahl-e-jahāñ se na ho malūl

in kī razā jo ho to musībat garāñ nahīñ

kyā DhūñDhtā hai is meñ ġham-o-rañj ke sivā

ye merī dāstāñ hai tirī dāstāñ nahīñ

ishq-e-sitam samajh ke zarā ai nigāh-e-dost

ye terā imtihāñ hai mirā imtihāñ nahīñ

hairān huuñ vahāñ maiñ kahūñ kyā zabān se

'āsī' nigāh dil kī jahāñ tarjumāñ nahīñ

rudad-e-gham mein DhunDiye lutf-e-bayan nahin

ye to hadis-e-dil hai koi dastan nahin

shikwa nahin gila nahin aah-o-fughan nahin

apna jo haal hai wo kisi par ayan nahin

apna yaqin kabhi bhi asir-e-guman nahin

ai shaiKH un ke mere koi darmiyan nahin

ai dil jafa-e-ahl-e-jahan se na ho malul

in ki raza jo ho to musibat garan nahin

kya DhunDhta hai is mein gham-o-ranj ke siwa

ye meri dastan hai teri dastan nahin

ishq-e-sitam samajh ke zara ai nigah-e-dost

ye tera imtihan hai mera imtihan nahin

hairan hun wahan main kahun kya zaban se

'asi' nigah dil ki jahan tarjuman nahin