saaf bātin der se haiñ muntazir
sāqiyā ḳhuz mā-safā dā mā-kadar
phir hayāt-e-chand-roza kā ma.aal
maut par jab zindagī hai munhasir
rut badalte hī fazā meñ guuñj uThā
naġhma-e-yā-ayyohas-sāqī adir
aise vaadī meñ nahīñ kyā rahnumā
ḳhud jahāñ gum-karda manzil huuñ ḳhizar
mashvara rahmat se kar ai adl-e-haq
kyā sazā jo ho ḳhatā kā ḳhud muqir
kyuuñ hai asrār-e-do-ālam kī talāsh
parda-e-dil meñ haiñ tere musattir
kyuuñ mirī dīvāngī badnām hai
un kī āñkheñ ḳhud huiiñ jab mushtahar
al-hazar pīr-e-falak kī sar-kashī
dekhne meñ tū hai utnā munkasir
kho chukā āñkheñ magar ai barq-e-husn
dil rahegā aur rahegā muntazir
sun le faryād-e-'azīz' jāñ-ba-lab
rabb-e-innī mustaġhīso fal-faqra
saf baatin der se hain muntazir
saqiya KHuz ma-safa da ma-kadar
phir hayat-e-chand-roza ka maal
maut par jab zindagi hai munhasir
rut badalte hi faza mein gunj uTha
naghma-e-ya-ayyohas-saqi adir
aise wadi mein nahin kya rahnuma
KHud jahan gum-karda manzil hun KHizar
mashwara rahmat se kar ai adl-e-haq
kya saza jo ho KHata ka KHud muqir
kyun hai asrar-e-do-alam ki talash
parda-e-dil mein hain tere musattir
kyun meri diwangi badnam hai
un ki aankhen KHud huin jab mushtahar
al-hazar pir-e-falak ki sar-kashi
dekhne mein tu hai utna munkasir
kho chuka aankhen magar ai barq-e-husn
dil rahega aur rahega muntazir
sun le faryaad-e-'aziz' jaan-ba-lab
rabb-e-inni mustaghiso fal-faqra
Source:
Anjum Kada (Pg. 128)
-
Author:
Mirza Mohammad Hadi Aziz Lakhnavi
-
- Edition: 1956
- Publisher: Anjuman Taraqqi Urdu (Hind), Aligarh
- Year of Publication: 1956
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.