saghar-ba-dast hun main

sāġhar-ba-dast huuñ maiñ

mast-e-alast huuñ maiñ

jo kuchh na hai na thī kuchh

vo būd-o-hast huuñ maiñ

dil hai buland bātin

zāhir meñ past huuñ maiñ

kasrat se kyā ta.alluq

vahdat parast huuñ maiñ

kah do bahār aa.e

dāman ba-dast huuñ maiñ

saaqī ko bhuul baiThā

is darja mast huuñ maiñ

kyuuñ kar koī bhulā.e

ahd-e-alast huuñ maiñ

ġham bhī ḳhushī meñ shāmil

fatah-o-shikast huuñ maiñ

kahte hoñ 'nūh' mujh ko

tūfāñ parast huuñ maiñ

saghar-ba-dast hun main

mast-e-alast hun main

jo kuchh na hai na thi kuchh

wo bud-o-hast hun main

dil hai buland baatin

zahir mein past hun main

kasrat se kya talluq

wahdat parast hun main

kah do bahaar aae

daman ba-dast hun main

saqi ko bhul baiTha

is darja mast hun main

kyun kar koi bhulae

ahd-e-alast hun main

gham bhi KHushi mein shamil

fatah-o-shikast hun main

kahte hon 'nuh' mujh ko

tufan parast hun main