aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sailana un ke dar par jab mera jaana hua

Rind Lakhnavi

sailana un ke dar par jab mera jaana hua

Rind Lakhnavi

MORE BYRind Lakhnavi

    sā.ilāna un ke dar par jab mirā jaanā huā

    hañs ke bole shāh-sāhib kis taraf aanā huā

    TuuTe but masjid banī mismār but-ḳhāna huā

    jab to ik sūrat bhī thī ab saaf vīrāna huā

    har jagah maujūd samjhā us ko sajda kar liyā

    ḳhvāh masjid ḳhvāh girjā ḳhvāh but-ḳhāna huā

    baaz rakhtī hai hameñ ḳhidmat se az-ḳhud-raftagī

    aan nikleñge kabhī gar aap maiñ aanā huā

    beshtar bulbul se thā sar meñ mire shor-e-junūñ

    fasl-e-gul aane na paa.ī thī ki dīvāna huā

    garmī-e-furqat meñ jab ashkoñ se mizhgāñ tar huiiñ

    mardumān-e-chashm ke rahne ko ḳhas-ḳhāna huā

    kār-ḳhāne jitne haiñ duniyā ke sab haiñ be-sabāt

    aañkh se jo aaj dekhā kal vo afsāna huā

    hañste hañste dil-lagī ke vāste naapā jo aaj

    sarv qad us sahī-qāmat ke tā-shāna huā

    yūsuf-e-misr-e-mohabbat kaisā arzāñ bik gayā

    naqd-e-dil qīmat huī ik bosa bai.āna huā

    jal ke us ne jaan ye naale kar ke rah ga.ī

    ishq-e-bulbul par bhī faa.iq ishq-e-parvāna huā

    ishq-e-dandāñ ḳhatā par qatl jo mujh ko kiyā

    is liye shamshīr-e-qātil meñ bhī dandāna huā

    maiñ ne jaanā kāsa-e-sar hai kisī mai-ḳhvār

    vāzhgūna dast-e-sāqī meñ jo paimāna huā

    muzhda-bād ai bāda-ḳhvāro daur-e-vā.iz ho chukā

    madrase khole ga.e ta.amīr mai-ḳhāna huā

    'rind' huuñ roz-e-azal se huuñ maiñ vārafta-mizāj

    is liye taur-e-suḳhan bhī apnā rindāna huā

    sailana un ke dar par jab mera jaana hua

    hans ke bole shah-sahib kis taraf aana hua

    TuTe but masjid bani mismar but-KHana hua

    jab to ek surat bhi thi ab saf virana hua

    har jagah maujud samjha us ko sajda kar liya

    KHwah masjid KHwah girja KHwah but-KHana hua

    baz rakhti hai hamein KHidmat se az-KHud-raftagi

    aan niklenge kabhi gar aap main aana hua

    beshtar bulbul se tha sar mein mere shor-e-junun

    fasl-e-gul aane na pai thi ki diwana hua

    garmi-e-furqat mein jab ashkon se mizhgan tar huin

    marduman-e-chashm ke rahne ko KHas-KHana hua

    kar-KHane jitne hain duniya ke sab hain be-sabaat

    aankh se jo aaj dekha kal wo afsana hua

    hanste hanste dil-lagi ke waste napa jo aaj

    sarw ka qad us sahi-qamat ke ta-shana hua

    yusuf-e-misr-e-mohabbat kaisa arzan bik gaya

    naqd-e-dil qimat hui ek bosa baiana hua

    jal ke us ne jaan di ye nale kar ke rah gai

    ishq-e-bulbul par bhi faiq ishq-e-parwana hua

    ishq-e-dandan ki KHata par qatl jo mujh ko kiya

    is liye shamshir-e-qatil mein bhi dandana hua

    main ne jaana kasa-e-sar hai kisi mai-KHwar ka

    wazhguna dast-e-saqi mein jo paimana hua

    muzhda-baad ai baada-KHwaro daur-e-waiz ho chuka

    madrase khole gae tamir mai-KHana hua

    'rind' hun roz-e-azal se hun main warafta-mizaj

    is liye taur-e-suKHan bhi apna rindana hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now