sans lete hue bhi Darta hun

saañs lete hue bhī Dartā huuñ

ye na samjheñ ki aah kartā huuñ

bahr-e-hastī meñ huuñ misāl-e-habāb

miT hī jaatā huuñ jab ubhartā huuñ

itnī āzādī bhī ġhanīmat hai

saañs letā huuñ baat kartā huuñ

shaiḳh sāhab ḳhudā se Darte hoñ

maiñ to añgrezoñ hī se Dartā huuñ

aap kyā pūchhte haiñ merā mizāj

shukr allāh kā hai martā huuñ

ye baḌā aib mujh meñ hai 'akbar'

dil meñ jo aa.e kah guzartā huuñ

sans lete hue bhi Darta hun

ye na samjhen ki aah karta hun

bahr-e-hasti mein hun misal-e-habab

miT hi jata hun jab ubharta hun

itni aazadi bhi ghanimat hai

sans leta hun baat karta hun

shaiKH sahab KHuda se Darte hon

main to angrezon hi se Darta hun

aap kya puchhte hain mera mizaj

shukr allah ka hai marta hun

ye baDa aib mujh mein hai 'akbar'

dil mein jo aae kah guzarta hun