sanson ke is hunar ko na aasan KHayal kar

sāñsoñ ke is hunar ko na āsāñ ḳhayāl kar

zinda huuñ sā.atoñ ko maiñ sadiyoñ meñ Dhaal kar

maalī ne aaj kitnī duā.eñ vasūl kiiñ

kuchh phuul ik faqīr kī jholī meñ Daal kar

kul yaum-e-hijr zard zamānoñ kā yaum hai

shab bhar na jaag muft meñ āñkheñ na laal kar

ai gard-bād lauT ke aanā hai phir mujhe

rakhnā mire safar kī aziyyat sambhāl kar

mehrāb meñ diye kī tarah zindagī guzār

muñh-zor āñdhiyoñ meñ na ḳhud ko niDhāl kar

shāyad kisī ne buḳhl-e-zamīñ par kiyā hai tanz

gahre samundaroñ se jazīre nikāl kar

ye naqd-e-jāñ ki is kā luTānā to sahl hai

gar ban paḌe to is se bhī mushkil savāl kar

'mohsin' barahna-sar chalī aa.ī hai shām-e-ġham

ġhurbat na dekh is pe sitāroñ kī shaal kar

sanson ke is hunar ko na aasan KHayal kar

zinda hun saaton ko main sadiyon mein Dhaal kar

mali ne aaj kitni duaen wasul kin

kuchh phul ek faqir ki jholi mein Dal kar

kul yaum-e-hijr zard zamanon ka yaum hai

shab bhar na jag muft mein aankhen na lal kar

ai gard-baad lauT ke aana hai phir mujhe

rakhna mere safar ki aziyyat sambhaal kar

mehrab mein diye ki tarah zindagi guzar

munh-zor aandhiyon mein na KHud ko niDhaal kar

shayad kisi ne buKHl-e-zamin par kiya hai tanz

gahre samundaron se jazire nikal kar

ye naqd-e-jaan ki is ka luTana to sahl hai

gar ban paDe to is se bhi mushkil sawal kar

'mohsin' barahna-sar chali aai hai sham-e-gham

ghurbat na dekh is pe sitaron ki shaal kar