sare kirdar kahani mein kahan aate hain

saare kirdār kahānī meñ kahāñ aate haiñ

dasht meñ ret pe qadmoñ ke nishāñ aate haiñ

shauq kī had se zarā duur nishāna rakkho

justujū se na.e imkāñ ke makāñ aate haiñ

koī tā'zīr agar hai to chaḌhā do suulī

kyoñ tamāshe ko ye iqbālī bayāñ aate haiñ

aa to jaate haiñ tirī bazm-e-satā.ish meñ amiir

kaaT kar ham bhī magar apnī zabāñ aate haiñ

kyā 'ajab dar hai 'sabā' dām-o-diram daan binā

māñgne shāh-o-sipah hifz-o-amāñ aate haiñ

sare kirdar kahani mein kahan aate hain

dasht mein ret pe qadmon ke nishan aate hain

shauq ki had se zara dur nishana rakkho

justuju se nae imkan ke makan aate hain

koi ta'zir agar hai to chaDha do suli

kyon tamashe ko ye iqbaali bayan aate hain

aa to jate hain teri bazm-e-sataish mein amir

kaT kar hum bhi magar apni zaban aate hain

kya 'ajab dar hai 'saba' dam-o-diram dan bina

mangne shah-o-sipah hifz-o-aman aate hain