aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sari duniya mein dana hai apne ghar mein kuchh bhi nahin

Unwan Chishti

sari duniya mein dana hai apne ghar mein kuchh bhi nahin

Unwan Chishti

MORE BYUnwan Chishti

    saarī duniyā meñ daana hai apne ghar meñ kuchh bhī nahīñ

    aisā lagtā hai ab us ke kīsa-e-zar meñ kuchh bhī nahīñ

    zauq-e-nazar phir āmāda hai jalvoñ paimā.ish par

    ḳhālī āñkheñ ye kahtī haiñ chāñd-nagar meñ kuchh bhī nahīñ

    ḳhud-dārī bhī kachchā shīsha fankārī bhī kachchī niiñd

    sab kuchh kho kar ye paayā hai shahr-e-hunar meñ kuchh bhī nahīñ

    chāroñ khoñT phirā huuñ lekin apne aap ko na sakā

    ghar aa kar ye raaz khulā hai samt-o-safar meñ kuchh bhī nahīñ

    purkhoñ se unvān sunā hai bhuuk aur niiñd meñ rishta hai

    aaj raat kaThin guzregī aaj to ghar meñ kuchh bhī nahīñ

    sari duniya mein dana hai apne ghar mein kuchh bhi nahin

    aisa lagta hai ab us ke kisa-e-zar mein kuchh bhi nahin

    zauq-e-nazar phir aamada hai jalwon ki paimaish par

    KHali aankhen ye kahti hain chand-nagar mein kuchh bhi nahin

    KHud-dari bhi kachcha shisha fankari bhi kachchi nind

    sab kuchh kho kar ye paya hai shahr-e-hunar mein kuchh bhi nahin

    chaaron khonT phira hun lekin apne aap ko pa na saka

    ghar aa kar ye raaz khula hai samt-o-safar mein kuchh bhi nahin

    purkhon se unwan suna hai bhuk aur nind mein rishta hai

    aaj ki raat kaThin guzregi aaj to ghar mein kuchh bhi nahin

    Source:

    Rooh-e-Ghazal,Pachas Sala Intekhab (Pg. 459)

      • Edition: 1993
      • Publisher: Anjuman-e-Rooh-e-Adab, Allahabad
      • Year of Publication: 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now