sab ek na ek sarab ke chakkar mein rah gae

sab ik na ik sarāb ke chakkar meñ rah ga.e

kyā pher aadmī ke muqaddar meñ rah ga.e

kyā dard-e-mushtarak thā zamīr-e-sukūt meñ

kho kar jo ham udaas se manzar meñ rah ga.e

ye dasht-e-zīst aur ye ḳhārā-tarāshiyāñ

jalve hunar ke sīna-e-āzar meñ rah ga.e

dekhā sanam-kadoñ ko to aksar huā ḳhayāl

vo naqsh-e-jāvedāñ the jo patthar meñ rah ga.e

darvāze vā the phir bhī ajab be-darī sī thī

ham ḳhud asiir ho ke khule ghar meñ rah ga.e

yuuñ bhī ġham o nashāt kā qissa na ho tamām

insān Dhal ke yaas ke paikar meñ rah ga.e

miltā nahīñ koī sar-e-shorīda ab 'sahar'

patthar hī bas dayār-e-sitamgar meñ rah ga.e

sab ek na ek sarab ke chakkar mein rah gae

kya pher aadmi ke muqaddar mein rah gae

kya dard-e-mushtarak tha zamir-e-sukut mein

kho kar jo hum udas se manzar mein rah gae

ye dasht-e-zist aur ye KHara-tarashiyan

jalwe hunar ke sina-e-azar mein rah gae

dekha sanam-kadon ko to aksar hua KHayal

wo naqsh-e-jawedan the jo patthar mein rah gae

darwaze wa the phir bhi ajab be-dari si thi

hum KHud asir ho ke khule ghar mein rah gae

yun bhi gham o nashat ka qissa na ho tamam

insan Dhal ke yas ke paikar mein rah gae

milta nahin koi sar-e-shorida ab 'sahar'

patthar hi bas dayar-e-sitamgar mein rah gae