sab ko bachao KHud bhi bacho fasla rakho

sab ko bachāo ḳhud bhī bacho fāsla rakho

ab aur kuchh karo na karo fāsla rakho

ḳhatra to muft meñ bhī nahīñ lenā chāhiye

ghar se nikal ke mol na lo fāsla rakho

filhāl is se bachne kā hai ek rāsta

vo ye ki is se bach ke raho fāsla rakho

dushman hai aur tarah kā jañg aur tarah kī

aage baḌho na pīchhe haTo fāsla rakho

hal bhī talāsh kar liyā jā.egā an-qarīb

tum is vabā ko baḌhne na do fāsla rakho

rakhne kī bas ye tiin hī chīzeñ haiñ in dinoñ

himmat rakho yaqīn rakho fāsla rakho

karte ho jis tarah bure logoñ se ijtināb

achchhoñ se bhī gurez karo fāsla rakho

sab ko bachao KHud bhi bacho fasla rakho

ab aur kuchh karo na karo fasla rakho

KHatra to muft mein bhi nahin lena chahiye

ghar se nikal ke mol na lo fasla rakho

filhaal is se bachne ka hai ek rasta

wo ye ki is se bach ke raho fasla rakho

dushman hai aur tarah ka jang aur tarah ki

aage baDho na pichhe haTo fasla rakho

hal bhi talash kar liya jaega an-qarib

tum is waba ko baDhne na do fasla rakho

rakhne ki bas ye tin hi chizen hain in dinon

himmat rakho yaqin rakho fasla rakho

karte ho jis tarah bure logon se ijtinab

achchhon se bhi gurez karo fasla rakho