sab ko dil ke dagh dikhae ek tujhi ko dikha na sake

sab ko dil ke daaġh dikhā.e ek tujhī ko dikhā na sake

terā dāman duur nahīñ thā haath hamīñ phailā na sake

tū ai dost kahāñ le aayā chehra ye ḳhurshīd-misāl

siine meñ ābād kareñge āñkhoñ meñ to samā na sake

nā tujh se kuchh ham ko nisbat nā tujh ko kuchh ham se kaam

ham ko ye mālūm thā lekin dil ko ye samjhā na sake

ab tujh se kis muñh se kah deñ saat samundar paar na jā

biich kī ik dīvār bhī ham to phāñd na paa.e Dhā na sake

man paapī kī ujḌī khetī sūkhī kī sūkhī hī rahī

umDe bādal garje bādal būñdeñ do barsā na sake

sab ko dil ke dagh dikhae ek tujhi ko dikha na sake

tera daman dur nahin tha hath hamin phaila na sake

tu ai dost kahan le aaya chehra ye KHurshid-misal

sine mein aabaad karenge aankhon mein to sama na sake

na tujh se kuchh hum ko nisbat na tujh ko kuchh hum se kaam

hum ko ye malum tha lekin dil ko ye samjha na sake

ab tujh se kis munh se kah den sat samundar par na ja

bich ki ek diwar bhi hum to phand na pae Dha na sake

man papi ki ujDi kheti sukhi ki sukhi hi rahi

umDe baadal garje baadal bunden do barsa na sake