sada aise na guzrenge yahan sham-o-sahar mere

sadā aise na guzreñge yahāñ shām-o-sahar mere

kabhī ā.eñgī ḳhushiyāñ bhī mujhe milne ko ghar mere

kabhī ūñchī uḌānoñ kā irāda jo kiyā maiñ ne

usī pal kaaT Daale haiñ havāoñ ne ye par mere

talāsh-e-kū-e-yārāñ meñ phirā huuñ dar-ba-dar ho kar

rahe haiñ har ghaḌī ye rāste hī ham-safar mere

azāb-e-hijr meñ yūñhī na jīvan ye guzartā phir

agar tum chāñdnī rātoñ meñ rahte muntazir mere

sadā hī gardish-e-daurāñ se uljhā huuñ maiñ 'sāqib' jī

sadā hote haiñ ab to rāt-din yūñhī basar mere

sada aise na guzrenge yahan sham-o-sahar mere

kabhi aaengi KHushiyan bhi mujhe milne ko ghar mere

kabhi unchi uDanon ka irada jo kiya main ne

usi pal kaT Dale hain hawaon ne ye par mere

talash-e-ku-e-yaran mein phira hun dar-ba-dar ho kar

rahe hain har ghaDi ye raste hi ham-safar mere

azab-e-hijr mein yunhi na jiwan ye guzarta phir

agar tum chandni raaton mein rahte muntazir mere

sada hi gardish-e-dauran se uljha hun main 'saqib' ji

sada hote hain ab to raat-din yunhi basar mere