sadaqaton ke dahakte shoalon pe muddaton tak chala kiye hum

sadāqatoñ ke dahakte sho.aloñ pe muddatoñ tak chalā kiye ham

zamīr ko thapthapā ke āḳhir sulā diyā aur ḳhush rahe ham

ridā-e-giriyā pe tā-qayāmat nisār hote raheñge dariyā

sabīl-e-ḳhūn-e-jigar se nādār sāhiloñ ko bhigo chale ham

safar thā jab raushnī kī jānib to phir ma.āl-e-safar kā kyā ġham

charāġh kī tarah saarī shab shaan se jale sub.h bujh ga.e ham

'fuzail' shā.er mudīr naqqād sab ba-zāhir the ham hī lekin

hamāre andar thā aur ik shaḳhs jis se paiham laḌā kiye ham

sadaqaton ke dahakte shoalon pe muddaton tak chala kiye hum

zamir ko thapthapa ke aaKHir sula diya aur KHush rahe hum

rida-e-giriya pe ta-qayamat nisar hote rahenge dariya

sabil-e-KHun-e-jigar se nadar sahilon ko bhigo chale hum

safar tha jab raushni ki jaanib to phir maal-e-safar ka kya gham

charagh ki tarah sari shab shan se jale subh bujh gae hum

'fuzail' shaer mudir naqqad sab ba-zahir the hum hi lekin

hamare andar tha aur ek shaKHs jis se paiham laDa kiye hum