safar se mujhko bad-dil kar raha tha
safar se mujh ko bad-dil kar rahā thā
bhañvar kā kaam sāhil kar rahā thā
vo samjhā hī kahāñ us martabe ko
maiñ us ko dukh meñ shāmil kar rahā thā
hamārī fat.h thī maqtūl honā
yahī koshish to qātil kar rahā thā
koī to thā mire hī qāfile meñ
jo merā kaam mushkil kar rahā thā
vo Thukrā kar gayā is daur meñ jab
maiñ jo chāhūñ vo hāsil kar rahā thā
tirī bātoñ meñ yuuñ bhī aa gayā maiñ
bhaTakne kā bahut dil kar rahā thā
koī mujh sā hī dīvāna thā shāyad
jo vīrāne meñ mahfil kar rahā thā
ye dil ḳhud-ġharz dil ġham-ḳhvār terā
ḳhushī ġham meñ bhī hāsil kar rahā thā
samajhtā thā maiñ sāzish aa.ine kī
mujhe mere muqābil kar rahā thā
safar se mujh ko bad-dil kar raha tha
bhanwar ka kaam sahil kar raha tha
wo samjha hi kahan us martabe ko
main us ko dukh mein shamil kar raha tha
hamari fath thi maqtul hona
yahi koshish to qatil kar raha tha
koi to tha mere hi qafile mein
jo mera kaam mushkil kar raha tha
wo Thukra kar gaya is daur mein jab
main jo chahun wo hasil kar raha tha
teri baaton mein yun bhi aa gaya main
bhaTakne ka bahut dil kar raha tha
koi mujh sa hi diwana tha shayad
jo virane mein mahfil kar raha tha
ye dil KHud-gharz dil gham-KHwar tera
KHushi gham mein bhi hasil kar raha tha
samajhta tha main sazish aaine ki
mujhe mere muqabil kar raha tha
Source:
Khidki To Main Ne Khol Hi Li (Pg. 53)
- Author: Shariq Kaifi
-
- Edition: 3rd
- Publisher: Rekhta Publications
- Year of Publication: 2022
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
