sa.ī-e-ġhair-hāsil ko mudda.ā nahīñ miltā
be-niyāz dil ban kar dekh kyā nahīñ miltā
zindagī-e-rafta kā kuchh patā nahīñ miltā
ḳhāk-e-pā to miltī hai naqsh-e-pā nahīñ miltā
us kā aa.ina hai dil jā-ba-jā nahīñ miltā
dil meñ jab ho tārīkī phir ḳhudā nahīñ miltā
āmad-e-bahārāñ kā ik payām laane se
kyuuñ tirā dimāġh āḳhir ai sabā nahīñ miltā
ā.ina-ba-ā.īna ham ne dekh Daale dil
ek sā zamāne meñ dūsrā nahīñ miltā
jo tirī nigāhoñ se be-piye milā saaqī
laakh jaam pī kar bhī vo mazā nahīñ miltā
ḳhizr-e-rāh ne kitne mīr-e-kārvāñ luuTe
haa.e vo jo kahte haiñ rahnumā nahīñ miltā
us kī aur manzil hai merī aur manzil hai
shaiḳh se 'figār' apnā rāsta nahīñ miltā
sai-e-ghair-hasil ko muddaa nahin milta
be-niyaz dil ban kar dekh kya nahin milta
zindagi-e-rafta ka kuchh pata nahin milta
KHak-e-pa to milti hai naqsh-e-pa nahin milta
us ka aaina hai dil ja-ba-ja nahin milta
dil mein jab ho tariki phir KHuda nahin milta
aamad-e-bahaaran ka ek payam lane se
kyun tera dimagh aaKHir ai saba nahin milta
aaina-ba-aina hum ne dekh Dale dil
ek sa zamane mein dusra nahin milta
jo teri nigahon se be-piye mila saqi
lakh jam pi kar bhi wo maza nahin milta
KHizr-e-rah ne kitne mir-e-karwan luTe
hae wo jo kahte hain rahnuma nahin milta
us ki aur manzil hai meri aur manzil hai
shaiKH se 'figar' apna rasta nahin milta
Source:
Harf-o-nava (Pg. 115)
-
Author:
Figaar Unnavi
-
- Edition: 2001
- Publisher: umesh bahadur sirivasto figaar unnavi
- Year of Publication: 2001
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
